ФАКТОР НА ДЕНОТ: Филипче најави дека ќе носат нови мерки, поднесени се кандидатури за лидер на СДСМ
Објавено во: Македонија 01 Декември, 2021
ФИЛИПЧЕ НАЈАВИ НОВИ АНТИ КОВИД МЕРКИ
Министерот за здравство, Венко Филипче, по денешниот настан по повопд Светскиот ден на борбата против ХИВ/Сида, изјави дека најригорозната мерка, карантин, во околности кога имаме скоро 50 проценти опфатенсот со вакцинација против ковид, не би требало да биде опција, а нема да се спроведе ниту мерката која се однесуваше на административците.
-Ќе оставиме време, да видиме дали ќе помогне комуникацијата и апелите на матичните лекари. Сметам дека дополнителна мерка, во смисла на форма оваа вакцина да биде задолжителна, а согласно примерите кои ги даваат и другите земји, не е исклучена. Некои земји размислуваат за задолжителна вакцинација. Засега останува вака кај нас, нагласи министерот за здравство.
Што се однесува пак на мерката за матичните лекари кои ќе добијат бонус од 30 денари по пациент, доколку имаат опфат од 70 отсто од нивните прикрепени пациенти, Филипче вели дека од исклучителна важност е матичните лекари да го зголемат апелот за вакцинација против корона вирус во Македонија.ПОДНЕСЕНИ КАНДИДАТУРИ ЗА ЛИДЕРСКОТО МЕСТО ВО СДСМ
Димитар Ковачевски, заменик-министерот за финансии, попладнево покрај кандидатурата за претседател на СДСМ, ја поднесе и изборната програма под наслов „Заедно, одговорно и посветено“.
Како што рече тој, програмата се темели на три столба - Социјалдемократска визија, економски раст и фер шасна и јасен систем со одговорности.
„СДСМ поминува низ еден предизвик, секој глас од партијата треба да биде слушнат. Моето работење и мојот интегритет ќе го потврдам со одлуките што ќе ги носам, доколку бидам избран. СДСМ го има најголемиот кадровски потенцијал, рече Ковачевски.И Фросина Ременски ја сака лидерската функција во партијата.
ДЕНЕСКА ИМА 410 ЗАРАЗЕНИ СО КОВИД
Министерството за здравство информира, согласно податоците од Институтот за јавно здравје дека во последните 24 часа:
Направени се 2.674 тестирања, а регистрирани се 410 нови случаи на КОВИД-19:
Скопје – 185, Битола – 31, Прилеп – 22, Охрид и Струмица – по 15, Велес, Кавадарци и Штип – по 14, Куманово – 13, Тетово и Кочани – по 10, Делчево – 8, Крива Паланка и Пробиштип – по 6, Радовиш, Валандово и Демир Хисар – по 5, Берово, Кратово и Крушево – по 4, Неготино – 3, Гевгелија, Свети Николе, Ресен, Виница, Македонски Брод и Македонска Каменица – по 2, Гостивар, Струга, Богданци, Пехчево и Дојран – по 1.ЧИТАЈТЕ УШТЕ