ФАКТОР НА ДЕНОТ: Заев очекува решение со Бугарија, денес имаме 387 заразени со коронавирусот

Добивај вести на Viber

ЗАЕВ ОПТИМИСТ ДЕКА ЌЕ ИМА РЕШЕНИЕ СО БУГАРИЈА

Властите во Македонија се надеваат дека ќе се постигне решение со Бугарија. 

Премиерот Зоран Заев денеска изјави дека не се многу далеку од договор со Бугарија. 

Вели дека само треба да се има добра волја. 

„Верувам дека до вториот Совет на министри на 8,9, 10 декември, кога и да биде, ќе има и средба меѓу мене и Борисов, а верувам дека и нашите работни групи кои контактираат интензивно ќе создадат услови за тоа – се развиваат идеи, се разглобуваат секакви варијанти во духот на дигнитетот и достоинството на двата народа да се изнајде европско решение со вградени европски вредности во него“, рече Заев.

Заев рече дека не станува збор за отстапки, туку за решение од двете страни, дека има начини како да се дојде до тоа и, пред сѐ, дека му е драго што Бугарија ги признава македонскиот јазик и македонскиот идентитет како наша реалност. 

НОВИ 35 ПОЧИНАТИ ОД КОРОНАВИРУСОТ

Министерството за здравство информира дека во последните 24 часа се направени 1176 тестирања, а регистрирани се 387 нови случаи на ковид-19 во: Скопје-174, Куманово-17,  Штип-19, Прилеп-12, Тетово-26, Велес-12, Битола-20, Охрид-1, Кавадарци-3, Гостивар-56, Гевгелија-1, Струмица-6, Крива Паланка-4, Радовиш-1, Крушево-3, Кочани-4, Пробиштип-2, Демир Хисар-1, Берово-1,  Валандово-2, Виница-1, Делчево-7, Свети Николе-7, Кичево-3, Неготино-4. 

Денеска Институтот за јавно здравје регистрира 528 оздравени пациенти од: Скопје-210, Куманово-35, Дебар-8, Штип-25, Прилеп-53, Тетово-38, Велес-26, Битола-3, Кавадарци-14, Гостивар-18, Гевгелија-5,  Струмица-19, Крива Паланка-6, Радовиш-3, Крушево-2, Кочани-12, Пробиштип-4, Македонски Брод-2, Берово-4, Валандово-3, Делчево-8, Кратово-6, Свети Николе-18, Неготино-6.

АТИЏЕ БАРА ДОНАЦИИ

Не стивнуваат реакциите на социјалните мрежи откако беа објавени броеви на кои граѓаните може да донираат за помош на познатата Атиџе Муратова, главниот лик на македонскиот документарен филм, кандидат за Оскар, Медена земја. Граѓаните ги споделуваат броевите ама икоментираат како државата може да дозволи токму таа да биде во ситуација да чека на донирани пари за да има свој дом, во кој ќе ја помине зимата. 

Револтот е поголем особено што по номинирањето на филмот за Оскар, многумина во државата беа во родното село на Муратова, во Бекирлија и и ветуваа многу. Такви најави имаше и од локалните и државните власти, но попусто. 

СПАСОВСКИ СЕ ВРАТИ НА РАБОТА

Министреот за внатрешни работи Оливер Спасовски од денска се вратил на работа во канцеларијата во Министерството. Тој беше позитивен на коронавирусот, а поради некои компликации беше и хоспитализиран на Клиниката за инфективни болести. Спасовски за борбата со болеста вели дека е едно големо искуство.

ЧИТАЈТЕ УШТЕ

Одборот на директори на УСЈЕ одлучи да подели авансна дивиденда од 18,5 милиони евра во бруто износ односно 2.014 денари бруто по акција. Дури 95 отсто од парите ќе бидат девизен одлив кај доминантниот акционер „Титан Цемент“ со седиште во Холандија

ТТК Банка ги зголемила нето приходите од кредити во споредба со истиот период лани, на годишно ниво има значаен раст на кредитирањето, ги намалила резервациите и остварила профит за девет месеци кој пред оданочување изнесува 1,1 милиони евра

Фавира и Фавимол, моќниот антивирусен лек чие генеричко име е Фавипиравир во текот на оваа недела ќе биде увезен во земјава. Ваков чекор на надлежните следи, откако овгромен број болни од корона вирусот, односно нивни блиски го набавуваа од Косово или од Босна.

На социјалните мрежи беше објавен пост од ќерка на 76-годишна веќе почината пациентка,  која пишува дека нејзината мајка не ја хоспитализирале во ковид-центарот во ГОБ „8 Септември“ бидејќи била повозрасна. 

Европската банка за обнова и развој го објави планот според кој Градот Скопје ќе ги подобри стандардите на урбаниот транспортен систем, преку спроведување на брз автобуски систем, кој ќе треба да ги поттикне граѓаните повеќе да го користат јавниот превоз. 

Се ближи католичкиот Божиќ и Нова година, а сточарите во Македонија се во голема неизвесност дали и по која цена ќе ги продадат јагнињата.