ФАКТОР НА ДЕНОТ: Во земјава нови 188 позитивни на Ковид -19, договор меѓу СДСМ и ДУИ засега нема

Добивај вести на Viber

ВО МАКЕДОНИЈА ИМА НОВИ 188 ПОЗИТИВНИ, МЕЃУ НИВ И ДЕЦА

За 24 часа во земјава се направени 1.971 тестирање, а регистрирани се 188 нови случаи на Ковид-19. 

Најголем дел од нив се во Скопје-44, Куманово-21, Дебар-1, Штип-18, Тетово-24, Струга-21, Велес-1, Битола-5, Охрид-6, Кавадарци-3, Гостивар-23, Крива Паланка-1, Кочани-1, Пробиштип-2, Демир Хисар-1, Македонски Брод-3, Кичево-10, Ресен-1, Неготино-2.

Институтот за јавно здравје денеска регистрира 268 оздравени пациенти од: Скопје-105, Куманово-23, Дебар-2, Штип-1, Прилеп-1,Тетово-41, Струга-22, Велес-5, Битола-3, Охрид-19, Гостивар-12, Радовиш-1, Пробиштип-3, Демир Хисар-1, Св.Николе-12, Кичево-13, Ресен-4.

„Починати се 5 лица, пациентка од Скопје (62г.), пациент од Битола (74г.), пациентка од Куманово (78г.), двајца пациенти од Тетово (61г. и 76г.). Четири пациенти се починати во болнички услови, а еден вонболнички“, информираат од Министерството за здравство. 

Во Битола има 5 нови случаи на заразени со коронавирусот, а меѓу нив и две дечиња на возраст од 1 и 4 години. 

НЕМА ДОГОВОР МЕЃУ СДСМ И ДУИ

Откако Коха објави дека има договор за мнозинство, и за Албанец премиер, Артан Груби од ДУИ на Фејсбук напиша дека ДУИ е транспарентна партија и сите процеси ги води со вклучување и известување на граѓаните. 

Вели дека вестите кои се појавија во медиумите не се потврдени од нивна страна, а кога ќе има нешто ќе ја известат јавноста. 

Потпретседателот на СДСМ Мухамед Зекири, откако весникот Коха објави дека веќе е договорена коалиција меѓу Зоран Заев, Али Ахмети, Билал Касами и Мендух Тачи, на Фејсбук напиша дека гладна кокошка, просо сонува. 

УЧЕНИЦИТЕ СЕ ВРАЌААТ НА НАСТАВА ВО СЕПТЕМВРИ

Oткако Фактор објави дека учениците една недела ќе бидат во училиште, а една недела онлајн, Тв 21 доби потврда за ова од Министерството за образование. 

ШИЛЕГОВ САКА УНИВЕЗАЛНА ДА СЕ РЕСТАВРИРА

Можен е и референдум за ликот на Универзалната сала, најави денеска градоначалникот на град Скопје Петре Шилегов. Два дена јавноста се бранува за конкурсот што градот го објави за парк сцена кај старата Универзална. Шилегов денеска одржа брифинг на кој ги објаснуваше сите опции за салата која е обележје на главниот град. Додека граѓаните сметаат дека таа не смее да се чепка односно треба само да се реставрира, Шилегов вели дека и тоа е опција. Впрочем имало три идеи, но за сите се потребни и доста пари. 

ЧИТАЈТЕ УШТЕ

Првиот човек на „Алкалоид“, Живко Мукаетов за Рес публика вели дека пандемијата го промени односот кон семејството и тоа на подобро.

Се уште нема никаква информација за тоа кој го извршил хакерскиот напад на интернет страницата на Државната изборна комисија на денот на изборите и кој бил мотивот.

И обичниот сезонски грип во некои случаи кај пациентите знае да остави последици на срцето во форма на воспаление.

Од денеска и во Јавното претпријатие „Исар“ во Штип има три случаи потврдени со корона вирусот. 

Околу 50 е повторно бројката на заразени денеска во Скопје, што значи овој тренд од пред десеттина дена се уште трае.