Заразени со коронавирусот се и две мали деца од Битола
Објавено во: Македонија, Корона Вирус 29 Јули, 2020
Во Битола има 5 нови случаи на заразени со коронавирусот, а меѓу нив и две дечиња на возраст од 1 и 4 години.
Останатите позитивни лица се на возраст од 38, 39 и 45 години.
„Сите лица даваат податок за контакт со друго позитивно лице и се поврзани во фамилијарни кластери. Од контактите на новорегистрираните лица, за 8 лица е даден предлог за здравствен надзор и домашна изолација до Државен санитарен и здравствен инспекторат (ДСЗИ)“, велат од ЦЈЗ-Битола.
Сега, вкупниот број на активни случаи во Битола е 63.
Во Демир Хисар, денеска е регистрирано едно позитивно лице на возраст од 70 години.
Во Ресен, има еден регистриран случај на возраст од 56 години, а регистрирано е и едно оздравено лице.
Во Кичево има нови 11 позитивни од кои четири се на возраст од 41 до 50 години, три на возраст од 51 до 60 години, две на возраст од 21 до 30 години и по еден во возрасните групи 11-20 и 61-70 години.
Во државата за 24 часа има нови 188 заразени и 5 починати.