Силјановска Давкова: Мојот сопруг се однесува како тој на Ангела Меркел
Објавено во: Македонија 01 Мај, 2024
Претседателскиот кандидат учесник во вториот круг на претседателски избори, Гордана Силјановска Давкова, во синоќешната дебата со актуелниот шеф на државата Стево Пендаровски на ТВ21 даде кратко објаснување зошто нејзиниот сопруг не се појавува во јавноста.
- Мојот сопруг не учествува во спотови и тој се однесува како сопругот на Ангела Меркел, рече Силјановска Давкова, алудирајќи на животниот сопатник на поранешната канцеларка на Германија.
Силјановска Давкова со сопругот Благоја живее заедно 40-тина години и ги имаат двете деца Марија и Павле. Благоја по професија е правник.
Пендаровски во дебатата и замери на Силјановска Давкова дека и покрај тоа „што живее со сопругот во неформален брак“, нејзиниот имот рапидно се зголемил. На ова Силјановска Давкова одговори дека живее во куќа изградена во 1964 година и дека немала влијание на тогашната одлука нејзиниот сопруг да биде еден од неколкуте кои добиле право да отворат фри=шоп на граница. Пендаровски рече дека тогашниот дневен промет на фри-шопот бил милион марки на ден.