Добивај вести на Viber
Владата донесе Стратегија за иновации 2012-2020, документ со кој ке се работи на развој и поддршка на полето на иновациите. Стратегијата се состои од 4 дела и тоа, зајакнување на склоноста на бизнис секторот за внесување иновации, зајакнување на човечките ресурси за иновации, зголемување на протокот на знаење помеѓу актерите во иновациите како и создавање на регулаторно окружување за поддршка на иновациите.
Како што истакна владиниот портпарол Александар Ѓорќиев, Владата финансиски ќе го поддржи развојот на иновациите и ќе ја финансира реализацијата на Стратегијата.
„За нејзино спроведување ќе бидат инвестирани повеќе милиони евра во следниве години, средства обезбедени од Владата, но и од донации, и специјалните програми на меѓународните организации и Европската Комисија. Во првите три години обемот на финансиска поддршка ќе биде над 3 милиони евра со извесна можност за зголемување. Ќе бидат формирани и повеќе нови државни тела и органи, ќе се спроведуваат голем број на настани, и ќе се имплементираат проекти кои имаат конкретна корист за компаниите”, рече Ѓорѓиев.
Надлежните се надеваат дека со оваа стратегијата ќе почне ново поглавје во македонската бизнис заедница, и белат дека таа нуди можности за подобрување на конкурентноста на бизнисите, поголема соработка, поголеми знаења и кадров потенцијал, но и подобра заработка и финансиска кондиција на компаниите преку искористувањето на опциите на иновациите.