25 Јуни, 2024
0.0343

Георгиева-Јовевска избрана за една од најуспешните жени менаџерки во земјата

Објавено во: Економија 19 Мај, 2024

Добивај вести на Viber

Д-р Јелисавета Георгиева-Јовевска, потпретседателка на Стопанската комора и советничка во Кабинетот на претседателот на Комора за економски развој и инфраструктура, е една од наградените на манифестацијата „Најуспешни жени менаџерки за 2024“, организирана од агенцијата „Марили“.

На свеченото доделување на наградите, што синоќа се одржа традиционално по 28-ми пат, статуетката „Жена водилка“, покрај Георгиева-Јовевска, ја добија и уште девет менаџерки од Р.С.Македонија и три од Р.Србија и Р.Хрватска.

За ова награда и признание д-р Јелисавета Георгиева-Јовевска е препознаена и пофалена како една од водечките жени менаџери во земјата поради нејзиниот придонес во Комората. Во својата 22-годишна кариера, Георгиева-Јовевска извршува клучни позиции во Стопанската комора, како генерален секретар и извршен директор на Комората, и шеф на кабинет на претседателот на Комората. Преку нејзините управувачки и лидерски вештини таа успешно води бројни иницијативи на Комората што ги засили позициите на македонските компании и го зајакна коморското вмрежување.

Георгиева Јовевска во своето обраќање пред присутните најпрво се заблагодари на “Марили” агенцијата односно на генералниот менаџер Лидија Трипуновска и нејзиниот тим што сите овие години неуморно работат и како единствени во организирање на вакви манифестации ги препознаваат и наградуваат жените менаџерки кои оставиле белег во своето работење. Георгиева Јовевска им честиташе на сите наградени жени од земјата и регионот и истакна дека се чувствува горда што е дел од наградените посебно и поради фактот што до сега таа е прва вработена од Комората што добива ваква награда, бидејќи сите изминати години добиваат жени претприемачки кои некои од нив се од фирми членки на Комората со кои Комората се гордее.

“Наградата ми претставува и мотив да бидам уште поуспешна во периодот кој доаѓа но истата нека биде и поттик за сите жени и девојки кои упорно работат, не се откажуваат и учат. Клучното оружје на секој човек е знаењето, па затоа никогаш не престанувајте да се едуцирате, бидете самоуверени и самопочитувајте се но почитувајте ги и сите останати околу вас. Неопходен е баланс и огромна поддршка од семејството за постигнување одлични резултати. Често ја користам изреката на Роберт Куок еден од најбогатите луѓе во Малезија кој кажува никогаш да не бидеме алчни, да не ги користеме другите а да ги искористиме сите можности кои ни се нудат. Јас на ова додавам и да бидеме принципиелни, секој нареден ден да бидеме подобри од претходниот, да имаме емпатија кон останатите и сѐ што правиме одејќи кон крајната цел и замисла да го правиме не заради личен интерес туку заради поширока добробит”, рече на доделувањето на наградите Георгиева Јовевска.

Покрај Георгиева Јовевска, годинашни лауреатки се и Катерина Бошевска – генерален директор на ЕОS Македонија и  EOS Косово, Жанета Бадаровска Ѓорѓиевска – генерален менаџер на Камел 98 – Виница, Евгенија Ѓорѓиеска – извршен менаџер на Ламинати КОМ Доо – Прилеп, Цветанка Илиева – генерален менаџер на Бистро Груп ДОО – Гевгелија, Ирена Јакимова – генерален менаџер на Инспирит Коучинг- Скопје, Клаудија Лутовска – генерален менаџер на Сеттим Консалтинг – Битола, Марија Патриклиска – менаџер за човечки ресурси ЕАМ ДОО – Штип, Маја Наумовска Савеска – директор на корпоративни и маркетинг комуникации во Халкбанк АД  – Скопје, Весна Ставрова генерален менаџер на ПЗУ Аптека  „Сара Фарм“ – Скопје, Сања Путица – менаџер за односи со јавност и инвеститор во Атлантска пловидба д.д –  Хрватска, Дариа Шуриќ – генерален менаџер на DarMell – Хрватска и Зорана Пејчиќ – генерален менаџер и претседател на ИО на Дунав Реосигурување – Србија.

Георгиева Јовевска е благодарна за наградата, но за да се стигне до ваква почесна награда за целиот овој долгогодишен период колку е во Комората, таа потенцира дека е поткрепена со поддршката од претседателот на Комората, Бранко Азески, како и од прекрасниот професионален тим на вработени во Комората, кои сите заедно на чело со претседателот претставуваат не само одлични професионалци, туку пред се добри луѓе со кои е чест и задоволство да се работи.

Манифестацијата „Избор на најуспешни жени“ преку Марили Бизнис клубот спојува над 150 жени менаџерки кои соработуваат, се вмрежуваат, организираат хуманитарни настани, но и поттикнуваат млади жени да влезат и да се остварат во бизнис сферата.

Можеби ќе ве интересира

ЕВЕ КОЛКУ СЕ ДЕБЕЛИ ЕВРОПСКИТЕ ПАРИЧНИЦИ: Која е нивната лична потрошувачка по лице, а колкав е нивниот БДП?

ЕВЕ КОЛКУ СЕ ДЕБЕЛИ ЕВРОПСКИТЕ ПАРИЧНИЦИ: Која е нивната лична потрошувачка по лице, а колкав е нивниот БДП?

СЕ ГРАДИ ЖЕЛЕЗНИЧКИ И ПАТЕН „ЅВЕР“ ВО ЕВРОПА: Од Данска до Германија за 7 минути низ подводен тунел

СЕ ГРАДИ ЖЕЛЕЗНИЧКИ И ПАТЕН „ЅВЕР“ ВО ЕВРОПА: Од Данска до Германија за 7 минути низ подводен тунел

ЗА ВУЛИН БРИКС Е НАДЕЖТА: Можно ли е Србија да се приклучи?

ЗА ВУЛИН БРИКС Е НАДЕЖТА: Можно ли е Србија да се приклучи?

ЗА ЕКСПЕРТИТЕ ОВА Е ЧЕКОР НАЗАД: Грците ќе работат по 6 дена во неделата

ЗА ЕКСПЕРТИТЕ ОВА Е ЧЕКОР НАЗАД: Грците ќе работат по 6 дена во неделата

ПОКАЧУВАЊЕТО НА ПЕНЗИИТЕ Е И ДЕФИНИТИВНО: Мицкоски најави, ќе се работи на ново законско решение за линеарно зголемување на пензиите

ПОКАЧУВАЊЕТО НА ПЕНЗИИТЕ Е И ДЕФИНИТИВНО: Мицкоски најави, ќе се работи на ново законско решение за линеарно зголемување на пензиите

НЕВРЕМЕТО НАПРАВИ ПУСТОШ: Уништено целото земјоделско производство во Сиричино

НЕВРЕМЕТО НАПРАВИ ПУСТОШ: Уништено целото земјоделско производство во Сиричино

УШТЕ ЕДНО ПОСКАПУВАЊЕ НА ГОРИВАТА: Еве колку ќе плаќаат сега возачите за бензин и дизел

УШТЕ ЕДНО ПОСКАПУВАЊЕ НА ГОРИВАТА: Еве колку ќе плаќаат сега возачите за бензин и дизел

Ветерниот парк на „Алказар Капитал“ е првата инвестиција што ќе ја објави Мицкоски

Ветерниот парк на „Алказар Капитал“ е првата инвестиција што ќе ја објави Мицкоски

Новата министерка за финансии започна со работа

Новата министерка за финансии започна со работа