Добивај вести на Viber
Сертификат за квалитет ИСО 9001:2008 денеска доби Министерството за транспорт и врски.
-Воведувањето на овој стандард ќе овозможи значително подобрување на квалитетот на функционирање од аспект на точно дефинирање на одговорностите на определено работно место, прецизирање на роковите за завршување на задачата, мерење на ефективноста и ефикасноста, идентификување на ризиците на процесите, како и активностите кои треба да се преземат за надминување на тие ризици, изјави Минситерот за транспорт Миле Јанакиески.
Со исполнувањето на стандардите и применувањето на ИСО 9001:2008, како што истакна министерот ќе се придонесе за значително подобрување на ефикасноста во управувањето со внатрешните процеси, ќе се подобри управувањето и раководењето со човечките ресурси во институцијата, ќе се зголеми продуктивноста и квалитетот на услугите кон крајните корисници, граѓаните и стопанските субјекти, како и ќе се зголеми ефикасноста на работниот потенцијал.
Од следната година се очекува да започне и имплементација на проектот Document management system што подразбира дека преку електронска апликација, ќе се следи целокупната работа на Министерството врз основа на донесените процедури.