Добивај вести на Viber
Руската влада се надева дека оваа година од приватизацијата ќе заработи над 200 милијарди рубљи (5 милијарди евра), изјави вицепремиерот Игор Шувалов на прес-конференција по владината седница за приватизацијата на државниот имот, пренесе Интерфакс.
Според Игор Шувалов планираната заработка е реална, а тој се надева дека следната година бројката ќе биде поголема. Како што нагласува тој, владата нема да брза и ќе чека квалитетни инвеститори.
Вицепремиерот исто така соопшти дека во моментов Владата ја разгледува можноста за продажба на акциите на најголемата руска нафтена компанија „Роснефт".
„Како што стои во стратегиските цели за приватизацијата на „Роснефт" ќе дејствуваме многу внимателно, бидејќи станува збор за енергетско богатство. Ќе бараме квалитетен инвеститор и се разбира максимални добивки од продажбата на овој имот ", истакна Шувалов.