Добивај вести на Viber
Владаата на Кипар сака молбата за финансиската помош да биде разгледана на седницата на министрите за финансии од еврозоната, што е предвидена да се одржи на 12 ноември, изјави портпаролот на Владата, Стефанос Стефану. Тој истакна дека рокот е договорен од политичките партии, кои оценуваат дека во спротивен случај економската ситуација ќе се влоши. Економските претставници на кипарските партии денеска попладне ќе имаат нова средба во Министерството за финансии, на која ќе се разгледуваат мерките и реформите предложени од тројката меѓународни кредитори. Кипар побара финансиска помош од ЕУ поради сериозните економски проблеми, но се уште не е познато колкава сума и е потребна на земјата. Претстојат преговори и потпишување на договорите со меѓународните кредитори, спроведување на реформи и рестриктивни мерки со цел заздравување на кипарската економија.