ФАКТОР НА ДЕНОТ: Партиите негодуваат за избори, а короната однесе уште два животи

Добивај вести на Viber

И ДЕНЕС РАЗЛИЧНИ СТАВОВИ ОКОЛУ ДАТУМОТ ЗА ИЗБОРИ

Зоран Заев, претседателот на СДСМ, на денешната прес-конференција рече дека Државната изборна комисија донел одлука да го прифати ажурираниот Избирачки список со кој ќе може да се оди на предвремени парламентарни избори во јуни.

- ДИК да носи одлуки со консензус, четворица се од власта, петтиот од БЕСА, од седум члена. Ако треба да се надгласуваме, ќе ги победиме. Тоа не е добро. Еве ја одлуката, веќе ја донесоа. Јавно е достапна дека ги прифаќаат сите процеси и протоколи.  МВР треба да достави комплетно ажуриран список до 21 јуни и ДИК мора да го потпише и објави, рече Заев, покажувајќи го документот.

Лидерот на ВМРО-ДПМНЕ, Христијан Мицкоски им посака среќа на СДСМ ако одлучат да одат на избори во јуни, без да одговори конкретно дали ќе ги бојкотира тие избори, во гостување на ТВ Сител.

„Ако одлучат да одат во јуни на избори, со среќа нека им се тие избори”, изјави Мицкоски.

OД КОРОНАВИРУСОТ ПОЧИНАА УШТЕ ДВАЈЦА

Министерот за здравство, Венко Филипче денеска на прес - конференција изјави дека денеска имаме 50 оздравени пациенти од Ковид 19. 

„За неколку дена од 14 мај се направени 908 тестови на вработени во градинките“, вели министерот. 

Додаде дека продолжува скринингот по другите ризични групи работници и граѓани. 

ПОВРАТНИЦИТЕ ОД СТРАНСТВО НЕМА ДА ОДАТ ВО ДОМАШНА ИЗОЛАЦИЈА

Владата на денешната седница го прифатила предлогот на Комисијата за заразни болести при Министерството за здравство со кој патниците од странските земји кои влегуваат на територијата на земјава, по завршување на временскиот период од 21 ден или 14 дена во задолжителен државен карантин, веќе нема да бидат упатувани на дополнителна домашна самоизолација.

ЗАЕВ ТВРДИ ДЕКА СИНОТ НА ВЕРУШЕВСКИ ТАЈНО ГО СНИМАЛ

Зоран Заев, претседателот на СДСМ, на денешната прес-конференција изјави дека Александар Верушевски, синот на разузнавачот Зоран Верушевски, го снимал тајно на ручек кај него на гости во Струмица пред четири години. 

Тоа е всушност објавениот разговор од 2016 кој изминатиот период беше објавен како аудио-запис во кој Заев ги искажува своите ставови за невладините организации. Заев вели дека свиркачот е синот на Верушевски.

ЧИТАЈТЕ УШТЕ

Повторно расте долгот на државните борчлии, каде што влегуваат општините, нивните јавни претпријатија, трговските друштва кои се основани од државата, министерствата, јавните здравствени установи, како и на другите буџетски корисниции.

Комбинираната централа која од природен гас може да направи три производи - струја,  топлинска енергија за греење и пареа „Когел Стил“ на отварањето во летото 2009 година беше промовирана од тогашниот политички естаблишмент како значајна странска инвестиција во која беа вложени 20 милиони евра. 

Домашните банки генерално малку знаат за проектот домашна платежна картичка кој Владата го промовираше со третиот сет мерки за помош на граѓаните и на стопанството во услови на криза предизвикана од пендемијата со Ковид-19. 

Од февруари повисоки плати ќе добијат специјалистите, наставниот кадар, општите лекари, медицинските лекари, здравствените соработници и помошно-техничкиот персонал.

Најдобриот претприемач меѓу академиците и најучениот меѓу бизнисмените потроши малку повеќе од две години „рвајќи“ се со „зарибаната“ администрација и помина како Дон Кихот. 

Банкари од повеќе домашни банки се повикани денеска на состанок во Министерството за финансии, дознава Фактор. Со министерката ќе разговараат за проектот домашни платежни картички кој беше промовиран викендов како дел од третиот сет економски мерки.