Филипче: Починаа пациенти од Скопје и Тетово
Објавено во: Македонија, Корона Вирус 19 Мај, 2020
Министерот за здравство, Венко Филипче денеска на прес - конференција изјави дека денеска имаме 50 оздравени пациенти од Ковид 19.
Има починати двајца, еден од Скопје на 78 години и пациент од Тетово на 77 годиншна возраст. Има и нови 22 заболени од коронавирусот.„За неколку дена од 14 мај се направени 908 тестови на вработени во градинките“, вели министерот.
Додаде дека продолжува скринингот по другите ризични групи работници и граѓани.
Парична награда ќе има за сите кои помогнале во справување со пандемијата.
Тука спаѓаат здравствени и нездравствени работници, кои ќе добијат 20 отсто плус на платата за два месеци.
„Никој нема да биде изоставен, сите се земени во предвид“, рече Филипче.
Министерот вели дека епидемијата е под контрола, а бројот на активни случаи е стабилен, при што веќе потврдените се од веќе познати кластери. Дел од инфицираните се заразиле од приватни собири.
Вели дека првата битка е добиена, но борбата не е завршена.