Поевтинеле ноќевањата во Македонија во февруари
Објавено во: Економија 03 Март, 2017
Во февруари е забележано мало поевтинување на ноќевањата во Македонија.
Ова се гледа од податоците кои ги објави Државниот завод за статистика.
Според податоците на Државниот завод за статистика, индексот на цените на угостителските услуги во февруари 2017 година, во споредба со јануари 2017 година, е намален за 0.1%.
Споредено по групи на услуги, намалување е забележано во групата nоќевања за 0.7%.
Индексот на цените на угостителските услуги во февруари 2017 година, во однос на истиот месец од претходната година, е зголемен за 0.3%. Кумулативниот индекс на цените на угостителските услуги за периодот јануари - февруари 2017 година, во однос на истиот период од минатата година, е зголемен за 0.4%, додека во однос на декември 2016 година е намален за 0.1%.