Невработените заинтересирани за самовработување, пристигнале над 900 пријави
Објавено во: Економија 04 Март, 2017
Невработените лица се заинтересирани за мерките за самовработување.
На отворените огласи што почнаа во јануари и февруари годинава досега има солиден број апликации, а само за мерката самовработување со грант до вчера се поднесени 902 пријави.
„Од понеделник почнува пополнувањето на прашалниците и сите кои ќе имаат квалитетни одговори ќе бидат селектирани за понатамошното учество во обука за претприемништво, а потоа и за изработка на бизнис план заедно со менторот кој ќе го изберат врз основа на ваучер системот од АВРМ“ - вели директорот на АВРМ, Влатко Поповски.
Додаде дека има голем број апликации и во делот на практиканството.
Поповски вели дека мерките што ги практикува АВРМ од 2007 година даваат се повеќе резултати. Од 2008 година, од кога АВРМ почна со кредитирање за самовработување, до сега, како што кажа, се затворени околу 35 отсто од фирмите кои биле отворени, но луѓето кои ги отвориле фирмите не се невработени, туку се вработиле во други фирми.