НЕ ЗНААТ ШТО Е РЕЦЕСИЈА: Повеќе од две децении имаат економски раст
Објавено во: Економија 03 Март, 2017
Постои земја во светот која имала голем раст во четвртиот квартал од минатата година, со што оваа економија богата со ресурси го продолжува 25 годишниот период без рецесија.
Австралија со овие резултати се доближува до рекордот на Холандија кога е во прашање непрекинат економски раст во поновиот период. Земјата има невиден економски скок. Рекордот на Холандија е поставен помеѓу 1982 и 2008 година, а на Австралија и треба само еден квартал на раст за да ја достигне.
Големиот извоз и растот на личната потрошувачка се клучни за економскиот раст на земјата. Австралија не била во рецесија, од јуни 1991 година. Аналитичарите објаснуваат дека и изгледите за оваа година се прилично позитивни.
Растот на БДП се очекува да биде 2,5%, а можеби и 3% во текот на 2017 година.