ФАКТОР НА ДЕНОТ: Каракачанов со остри тонови, а во Македонија има нови 121 позитивен на Ковид -19

Добивај вести на Viber

МОЖНО Е БУГАРИЈА ДА ГИ БЛОКИРА ПРЕГОВОРИТЕ 

Бугарија ќе ја блокира првата меѓувладина конференција на Македонија со ЕУ, ако мешовитата комисија не постигне согласност за отворените историски прањања, изјави бугарскиот вицепремиер и министер за одбрана Красимир Каракачанов.

Тој во изјава за ТВ 24 вели дека македонската дипломатија веќе три години откако е потпишан Договорот за добрососедство одбегнува решавање на проблемите и очекува ЕУ да застане во одбрана.

Според официјална Софија, македонската страна ги избегнува состаноците на историчарите за да не се соочи со решавање на прашањето за Гоце Делчев и со тоа покажува дека нема желба да води искрен дијалог.

„Минатата година во ноември месец, пред десет месеци ја стопиравте работата на Комисијата за разгледување на историските проблеми. Ние сме го кажале тоа сто пати во последните десет месеци, дека ако не се постигне согласност по тие прашања Бугарија ќе возврати на првата меѓувладина конференција, додека прашањата не бидат исчистени. Тоа е позицијата на Бугарија. И тоа е многу јасно во Скопје, изјави Каракачанов.

Процесот на дијалог продолжува, наведуваат од Министерството за надворешни работи, по најавите од Бугарија за можна блокада на преговорите. 

Од МНР велат дека како и досега, земјава ќе продолжи со засилена комуникација и консултација на политичко ниво со Република Бугарија и со сите релевантни чинители во ЕУ контекст. 

ЗА 24 ЧАСА НОВИ 121 ЗАРАЗЕН СО КОВИД -19

Министерството за здравство информира дека во последните 24 часа се направени 1410 тестирања, а регистрирани се 121 нови случаи на ковид-19 во: Скопје-33, Куманово-8, Штип-6, Прилеп-2, Тетово-6, Струга-6, Велес-3, Битола-6, Охрид-11, Кавадарци-4, Гостивар-4, Гевгелија-3, Струмица-3, Крива Паланка-9, Радовиш-1, Крушево-1, Кочани-5, Македонски Брод-1, Берово-1, Валандово-1, Виница-1, Делчево-3, Свети Николе-2 и Кичево-1. 

Денеска Институтот за јавно здравје регистрира 142 оздравени пациент од: Скопје-50, Куманово-32, Штип-7, Прилеп-11, Тетово-4, Струга-4, Велес-2, Охрид-2, Кавадарци-2, Гостивар-12, Гевгелија-1, Струмица-2, Радовиш-1, Кочани-1, Македонски Брод-1, Берово-2, Виница-2, Делчево-2, Кратово-1, Свети Николе-1, Кичево-2.

ПРИВЕДЕНО E ЛИЦЕТО КОЕ ЈА НАПАДНА ЕКИПАТА НА АЛ ЏЕЗЕИРА

Полицијата излезе со детали за нападот на новинарската екипа за време на вчерашниот протест на ВМРО-ДПМНЕ.

Нападот е извршен од четириесет и едногодишниот А.И, кој замавнувал накај новинарката Милка Смилевска и и го бутнал микрофонот. Тој бил приведен во станица, по што ќе следи поднесок.

„На 09.09.2020 во 18.30 часот,  М.С. пријавила дека на ул.„Македонија“,  каде се одвивал протест, а таа била работно ангажирана како новинар, додека разговорала со едно од лицата кои учествувале на протестот, дошол А.И. (41) од Скопје и замавнувал со рацете, при што и го бутнал микрофонот. А.И. е приведен во полициска станица и по документирање на случајот ќе следи соодветен поднесок“, се вели во соопштението од полицијата.

ОШТЕТЕНИТЕ ШТЕДАЧИ ОД ЕУРОСТАНДАРД БАНКА ГИ РАСКАЖАА СВОИТЕ ПРИКАЗНИ

Оштетените штедачи на Еуростандард Банка бараат државата да ги преземе нивните побарувања и парично да ги обештети. 

Здружението на оштетени штедачи на Еуростандард банка денеска побара итно носење на законско решение со кое државата ќе ги преземе побарувањата на физички и правни лица од Еуростандард Банка, и во целост парично ќе ги обештети. Потоа, државата да наплати од стечајната маса.

ЧИТАЈТЕ УШТЕ

Битолската градежна компанија „Пелистер“ доби тендер за ископ на јаглен и јаловина во кругот на РЕК Битола вреден 6,4 милиони евра од страна на АД ЕСМ. 

Денеска е последниот ден до кога училиштата треба да ги достават барањата до Министерството за образование и наука со податоци на бројот на ученици кои наставата сакаат да ја следат со физичко присуство.

Расте долгот на државните институции. Во вториот квартал од годинава државните борчлии натрупале нови обврски кои не можат да ги платат - за цели шест милиони евра.

Во Штип, Скопје, Велес, Кочани се намалила бројката на текстилните работници.

Потиштени и разочарани зашто поради корона - кризата не можат да си ги видат децата. Вака ги затекнавме  Марија и Душан Голубови, најстариот брачен пар во подбеласичкото село Старо Коњарево.

„Сега, повеќе од кога било, банките им се потребни на  корисниците. Ликвидноста во банкарскиот сектор е на високо ниво и покрај одложените наплати на значаен дел од кредитите“, вели во ексклузивно интервју за „Фактор“ проф. д-р Драгољуб Арсовски, директорот на ТТК Банка. 

Државната железничка транспортна компанија повторно и лани е во загуба од 6,6 милиони евра и покрај тоа што од државниот буџет лани примиле дотација од 7 милиони евра.