МВР СО ДЕТАЛИ ЗА НАПАДОТ ВРЗ НОВИНАРСКАТА ЕКИПА - насилникот е приведен и ќе следи поднесок
Објавено во: Македонија 10 Септември, 2020
Полицијата излезе со детали за нападот на новинарската екипа за време на вчерашниот протест на ВМРО-ДПМНЕ.
Нападот е извршен од четириесет и едногодишниот А.И, кој замавнувал накај новинарката Милка Смилевска и и го бутнал микрофонот. Тој бил приведен во станица, по што ќе следи поднесок.
„На 09.09.2020 во 18.30 часот, М.С. пријавила дека на ул.„Македонија“, каде се одвивал протест, а таа била работно ангажирана како новинар, додека разговорала со едно од лицата кои учествувале на протестот, дошол А.И. (41) од Скопје и замавнувал со рацете, при што и го бутнал микрофонот. А.И. е приведен во полициска станица и по документирање на случајот ќе следи соодветен поднесок“, се вели во соопштението од полицијата.