Таа додаде дека големите кластери се „Мекици Охрид“, „Слава Ресен“, „Свадба Скопје“, „Ифтарски вечери“ и „Погреби“ и на нив присуствувале од 50 до 150, а некаде и 200 луѓе.
ФАКТОР НА ДЕНОТ: Боки 13 осуден на 9, Јанева на 7 години затвор, а Русковска ќе поднесе жалба
Објавено во: Македонија 18 Јуни, 2020
ИЗРЕЧЕНИ ПРЕСУДИ ЗА СЛУЧАЈОТ „РЕКЕТ“
Бојан Јовановски-Боки 13 е осуден на 9 години затвор за примање награда за противзаконито влијание и за перење пари, а Катица Јанева на 7 години затворска казна за злоупотреба на службената положба и овластување во случајот „Рекет“. Во казната затвор им се пресметува и времето поминато во притвор.
Јовановски откако ги примил во оптек парите, купувал луксузен мебел, брендирана облека, 13 уметнички слики од Личеноски, Мартиновски, Коџоман, Пандилов Аврамовски, Јаков, Бербер итн, и престојувал во луксузни летувалишта и хотели, иако бил невработен без приход. Судијата Васка Николовска рече дека дел од овие работи ќе му се конфискуваат, како и на Јанева, која како поранешна специјална обвинителка примила паричен поткуп од 50.000 евра и мебел во вредност од 300.000 денари.
- Доволно релевантни факти се обезбедени, анализата на доказите овозможи судот неспорно да ја утврди фактичката состојба. Судот неспорно утврди кои дејствија ги извеле обвинетите, рече Николовска.Бојан Јовановски до Обвинителството ќе поднесе кривични пријави против актуелни функционери за повеќе кривични дела меѓу кои и злоупотреба на службената положба, измама и шпионажа. Кривична пријава ќе има и за Орце Камчев.
Oва го изјави адвокатот на Бојан Јовановски, Сашо Дуковски во вечерашното гостување на Тв 24.РУСКОВСКА ЌЕ ПОДНЕСЕ ЖАЛБА
Обвинителката Вилма Рускоска, застапникот на случајот „Рекет“, ќе поднесе жалба како незадоволна од пресудата од 9 години затворска казна за Бојан Јовановски и 7 години казна за поранешната специјална обвинителка Катица Јанева.
Русковска очекувала од 7 до 8 години затвор за Јанева, а за Јовановски над 10 години. Смета дека најголемиот дел од изнудените 1,5 милиони евра завршиле кај осудените.
„Дали ги задоволив очекувањата, треба да каже јавноста. Сметам дека најголемиот дел завршиле кај Бојан Јовановски и Катица Јанева. Тоа е мое лично убедување”, рече Русковска.
ДЕНЕС 182 НОВИ ЗАРАЗЕНИ И 6 ПОЧИНАТИ ОД КОРОНАВИРУСОТ
182 новозаразени лица со корона вирусот се регистрирани денеска, починаа шест пациенти. Скопје е главното жариште со 107 нови инфицирани. Следуваат Тетово 23, Куманово 14, Ресен 13, Охрид 6, Струга 5, Гостивар и Штип со по 4, Битола 2, и по еден нов случај во Струмица, Кочани, Берово и Неготино
Починати се 6 лица, двајца пациенти од Скопје, двајца од Куманово и двајца од Тетово. Во ГОБ „8 септември“ починати се пет лица – двајца пациенти од Тетово, еден на возраст од 81 година хоспитализиран на 16 јуни и пациент на 72 години хоспитализиран на 12 јуни. Кај тројца пациенти вирусот е потврден постмортем – пациентка од Куманово на 64 години и уште двајца пациенти од Скопје на возраст од 68 и 65 години. Во ОБ Куманово почина пациент на 85 години, хоспитализиран на 10 јуни.
ВО ЗЕМЈАВА ИМА 40 КЛАСТЕРИ
Директорката на Државен санитарен и здравствен инспекторат, Иринка Сотирова Бухова, денеска пред медиумите рече дека полицијата, односно МВР, не може да не знаела за собири во кои имало и до 200-тини присутни, од каде потоа се создадоа фамилијарните кластери на Ковид-19.
Таа додаде дека во периодот од 24 мај па до сега регистрирани се повеќе од 40 големи кластери на територија на целата држава и неколку кластери, односно 20 на територијата на Град Скопје.
ЧИТАЈТЕ УШТЕ
Дополнителната заменичка министерка за финансии Гордана Димитриеска-Кочоска тврди дека самата министерка за финансии, Нина Ангеловска, со писмо ја известила Светска банка дека итниот поволен кредит од оваа меѓународна финансиска институција од 90 милиони евра, ќе биде повлечен по завршувањето на парламентарните избори во земјава кои ќе се одржат на 15 јули.
Ова Кочоска го тврди во интервју за Фактор, кое ќе биде објавено во наредниве денови.