Русковска незадоволна од своите прогнози за затворските казни за Боки 13 и Јанева
Објавено во: Македонија 18 Јуни, 2020
Обвинителката Вилма Рускоска, застапникот на случајот „Рекет“, ќе поднесе жалба како незадоволна од пресудата од 9 години затворска казна за Бојан Јовановски и 7 години казна за поранешната специјална обвинителка Катица Јанева.
Русковска очекувала од 7 до 8 години затвор за Јанева, а за Јовановски над 10 години. Смета дека најголемиот дел од изнудените 1,5 милиони евра завршиле кај осудените.
„Дали ги задоволив очекувањата, треба да каже јавноста. Сметам дека најголемиот дел завршиле кај Бојан Јовановски и Катица Јанева. Тоа е мое лично убедување”, рече Русковска.
Според неа, покрај тоа што Боки 13 ги трошел парите за облека, уметнички слики и скапи летувања, со нив покривал и трошоци од сега веќе затворената телевизија.