Биткоинот за прв пат ја надмина вредноста на златото
Објавено во: Економија 04 Март, 2017
Електронската крипто валута биткоин за прв пат забележа поголема вредност за една единица во однос на една унца злато. Еден биткоин со последната највисока цена на берзите вреди 1.294 долари, додека пак една унца злато се тргува за 1.234 долари.
Причината за ваквиот голем раст се гледа во се поголемиот интерес на кинеските граѓани кои губат доверба во својата национална валута јуанот и сметаат дека на долг рок биткоинот е многу посигурен и поисплатлив.
Зголемената трговија со биткоин ја натера и кинеската народна банка да воведе рестрикции кои засега не вродуваат со плод.