За која струја плаќаме 202 евра за мегаватчас?

Добивај вести на Viber

Дали е мит дека сонцето е ефикасен извор на струја. И лани сонцето не изгоре. Просечна цена што ја плаќаме за еден мегаватчас струја е 202 евра и е убедливо најскапо во однос на водата, ветерот и биогасот. И згора на тоа производството од сонце е убедливо најмало

Просечната цена што лани сме ја плаќале за еден мегаватчас електрична енергија произведена од сонце изнесува 202 евра за еден мегаватчас електрична енергија, покажуваат официјалните податоци достапни во годишниот извештај на Регулаторната комисија за енергетика достапен на нивната веб страница.
Тоа е пет пати поскапо од цената за секој произведен мегаватчас струја од јаглен што ја да државната компанија ЕСМ (поранешен ЕЛЕМ) и повеќе од три пати поскапо од просечната годишна цена за мегаватчас електрична енергија на една од соседните берзи во Србија или во Бугарија.

Дали вреди да плаќаме 202 евра за произведен мегаватчас електрична енергија од сонце?

Македонија има 102 компании кои имаат привилегирани цени за производстви на електрична енергија од сонце. Тоа се таканаречени фотоволтаици или електрични централи кои имаат мал инсталиран капацитет за производство, во споредба со ветер, биогас или вода, и сончевата светлина ја претворуваат во електрична енергија. Лани тие 102 централи произвеле 22.788 мегаватчасови електрична енергија. Тоа е производство што може да ги задоволи потребите за струја на цела Македонија за само еден просечен зимски ден. 
За тие произведени 22.788 мегаватчасови електрична енергија сме платиле вкупно4,6 милиони евра или за секој произведен мегаватчас по 202 евра.

Соларната електрична енергија во земјава има највисока привилегирана односно повластена цена во споредба со другите обновливи извори на електрична енергија.

Од официјалните податоци што ги објави РКЕ е видливо дека производителите на струја од сонце, со повластена цена, се најскапите производители.

Еве ги просечните цени за произведен мегаватчас струја од ветер, вода, сонце и од биогас за лани