ВМРО-ДПМНЕ со предлог за рушење и на други дивоградби
Објавено во: Македонија 02 Септември, 2020
ВМРО-ДПМНЕ се огласи со предлог до Владата да урне уште неколку дивоградби на ист начин како воп вчерашната донесена одлука на владина седница да се ангажира „Македонија пат“ за демонтирање и отстранување на нелегалниот објект кај Мавровка.
ВМРО-ДПМНЕ предлага Владата бесплатно да ги сруши и следниве дивоградби:
1. Дивоградбата на дивата платформа на Матка
2. Дивоградба во близина на Скопското Кале кај касарната „Илинден“
3. Дивоградбата на Нефи и летната тараса кај охридскиот Чинар
4. Дивоградбите долж охридското крајбрежје.
„Доколку не го направи ова, Владата покажува дека сето ова е евтин театар. Затоа сметаме дека крими-тендерашката власт на Заев се обидува да направи театар со дивоградбата кај ‘Мавровка’. Вистината е дека токму оваа иста старо-нова власт дозволи дивоградбата да никне на едно од најфрекфрентните места во Скопје, па со месеци се натегаа чија надлежност е, па бараа преку платени огласи кој е инвеститорот, за сега наводно да поднесуваат кривична пријава и да најавуваат рушење.Сето ова граѓаните ги чинеше и ќе ги чини пари, како преку циркусот со огласи во весници, така и преку рушењето со народни пари“, се вели во соопштението на ВМРО-ДПМНЕ.
Од таму прашуваат дали премиерот Зоран Заев намерно го чувал името на инвеститорот во тајност за да го објави по подолго време поради откажување на послушност.