Снегот им отвори работа на земјоделците, деновиве „дежураат“ покрај пластениците
Објавено во: Македонија 16 Февруари, 2021
Снежните врнежи им отворија работа на земјоделците, кои деновиве се принудени да „дежураат“ покрај пластениците.
За да не се уништат и да нема штети, тие мораат да ги потпираат оранжериите и да го чистат снегот. Снегот буквално ги остави земјоделците без спиење. Ристо Велков, претседателот на Сојузот на синдикатот на земјоделците во Струмичкиот регион вели дека врз пластениците има снег со дебелина од 10 до 15 сантиметри.
„Луѓето мораат со потпирачи да ги потпираат пластениците, но и да го чистат снегот. Тоа е многу работа затоа што луѓето имаат од 20 па до 100 пластеници. Буквално цели семејства ноќе одеа и го чистеа снегот. Осетливи се доматите, краставицата, и на овие ниски температури тие бараат загревање, но и тоа е дополнителен трошок. Што се однесува до зелката, зависи за која сорта се работи, некои се потпорни на студено време. Досега не видов да има штети, но ако некој не си преземал мерки, тоа секако ќе удри по џебот на земјоделецот. Се случувало дури и на пролет да има измрзнување. Климатските промени си го направија своето, и кој нема контролирани услови на производство, многу е тешко“, вели Велков.
Тој објаснува дека од година во година состојбата во земјоделството е сѐ потешка.
„Пред 30 години беше добро да се живее од земјоделство, и секој трчаше дури и ако оди на работа, попладне да сработи нешто плус во земјоделство, но сега не е така. Во Струмичко многу е намалено производството, и ретко некој млад да се одлучи да се занимава со земјоделство“, рече Велков.
Снегот единствено нема да направи штети на житариците. Деновиве Македонија ја зафати студен бран. Во земјава се измерени 55 сантиметри снежна покривка, а најстудено било во Берово каде температурата се спушти и до -19 степени. Денеска Македонија е во жолта фаза поради минусните температури.
Сања Атанасовска
foto freepik
Можеби ќе ве интересира
Тошковски: Од денеска демонтирање на дивиот забавен парк кај Борис Трајковски
ОДЗЕМЕН ИМУНИТЕТОТ НА СУДИЈАТА ГЕОРГИЕВ - одреден му е притвор по апсењето со примените 10 илјади евра
ВАЖНО МЕТЕО ПРЕДУПРЕДУВАЊЕ: Денес од пладневните часови на повеќе места врнежи, грмежи и засилен ветер – постои опасност од посилно невреме и поројни поплави
ТРОЈЦАТА ГОЛЕМИ СИГУРНО НЕ СЕ, НО КОЈ Е ОД ПОМАЛИТЕ, УШТЕ НЕ СЕ ЗНАЕ - има ли нов играч во хотелиерската компанија
ПЛАТАТА ЈА КРИЈАТ КАКО ЗМИЈАТА НОЗЕТЕ: Се бараат жени за чување деца во Германија, но „за повеќе инфо инбокс“
СИ ЛЕГНУВААТ СО МИСЛАТА ШТО ЌЕ ЗГОТВАТ УТРЕ ЗА ЈАДЕЊЕ: Се зголемил бројот на граѓани кои имаат потреба од помош во оброци
СУДСКИОТ СОВЕТ НА ПОЛНОЌ ЌЕ ОДЛУЧУВА ЗА ИМУНИТЕТОТ НА СУДИЈАТА: по денешното апсење за мито
„Битно е процесот да биде демократски и да се заврши се како што треба“: Јаулески од ВМРО смета дека ќе добијат уште еден пратеник
„ДУИ да се спремаат за мирна, цивилизирана транзиција како во секоја европска држава“: Милошоски вели „време е да заминат во опозиција“
