Snap е новиот моќен играч на берзите, да се пази Facebook
Објавено во: Економија 04 Март, 2017
Snap Inc компанијата која ја креираше популарната апликација Snapchat само што излезе на берза со почетна цена на акциите од 17 долари веднаш доби зголемување на вредноста и акциите „рипнаа“ на 24 долари со што се очекува и вредноста на брендот да порасне на околу 24 милијарди долари од првично проценетите 28.3 милијарди.
Се покажа дека за Snap Inc има огромен интерес од различни инвеститори, па така само NBC Universal студиото вложи 500 милиони долари. Сопствениците на основачките акции исто така имаат огромни причини за задоволство бидејќи нивните почетни инвестиции во Snapchat сега вредат десетина милиони долари, па така едно средно училиште од вложени 15.000 долари сега има акции од 20 милиони долари чист профит.
Во првиот ден на тргување со акциите на Snap Inc вредноста се зголеми за неверојатни 44% со што се добива новиот силен конкурент на Facebook која иако се уште е на почетоците и е далеку според годишниот обрт на средства има огромна надеж за брз раст.
Еван Шпигел и Боби Марфи како основачи на Snapchat станаа нови милијардери и одлуката пред неколку години да одбијат 4 милијарди долари од Марк Цукербер шефот на Facebook денес се гледа дека навистина се исплатела.