Регулаторна бара да не им се исклучува струја на „социјалците“ во зима

Добивај вести на Viber

Во предлог-правилата за снабудвање со електрична енергија објавени на 9 август, Регулаторна комисија за енергија бара од избраниот универзален снабдувач да не ја исклучува струјата поради неплатени сметки во зимските месеци кај „ранливите потрошувачи“, односно домаќинствата приматели на социјална помош, средства за нега од трето лице и хронично болните без егзистенција.

„Обврска на универзалниот снабдувач кон ранливите потрошувачи е неисклучување на ранлив потрошувач поради неплатени фактури за испорачана електрична енергија во месеците декември, јануари и февруари, при што оваа мерка не се однесува на домаќинства во оддалечени подрачја запишани во евиденцијата за ранливи потрошувачи“, се вели во една од предложените обврски.

Снабдувачот ќе мора да упати известување во писмена форма за планираното исклучување најдоцна 40 дена пред исклучувањето до „социјалците“, нема да смее да ги исклучува поради неплатена фактура за испорачана енергија ако од рокот за достасаност за плаќање на сметката не се поминати повеќе од 60 дена, мора да му овозможи одложено плаќање на достасаниот долг или реструктуирање на долгот, при што долгот што е предмет на реструктуирање се исплаќа во најмалку шест еднакви месечни рати, Доколку е исклучен, за повторно вклучување му следи ослободување од обврска за плаќање на надоместок за повторно приклучување

Универзалниот снабдувач ќе мора да води евиденција на домаќинствата коишто се стекнале со статус на ранлив потрошувач. 

Регулаторната комисија за енергетика ги повикува сите заинтересирани страни да достават по електронски пат свои сугестии, забелешки и предлози, најдоцна до 29.08.2018 година, по однос на предлог-правилата.

СО либерализацијата на пазарот на електрична енергија, РКЕ со овие правила ги уредува односите на универзалниот снабдувач, снабдувачите, крајните потрошувачи и операторите.