Протестот прекинат, од попладне возовите ќе сообраќаат
Објавено во: Економија 02 Март, 2017
Товарниот железнички сообраќај во Македонија треба да профункционира попладне во 16 часот, а од утре и патничкиот.
Се прекинува двонеделниот протест на вработените. Ова го изјави претставникот на
машинскиот персонал во Македонски железници Транспорт, Душко Чакароски по денешната средба со в.д
директорот на МЖ Транспорт Игор Коруноски.
Платата за јануари ќе ја добијат следната недела. Февруарската плата ќе ја добијат до крајот на месецов, а од април ќе почне редовна исплата на платите.
Протестот започна пред две седмици, поради тоа што менаџментот доцнеше два месеца со неисплатени плати. Во меѓувреме, оставка даде поранешниот директор Никола Костов, а за нов директор назначен е Игор Коруновски.
Вработените во МЖ Транспорт го прекинуваат протестот откако добија ветување дека платите ќе се исплаќаат редовно.