ПРОСЕЧНА ПЛАТА ВО СРБИЈА: Веќе се искачи над 510 евра?
Објавено во: Финансии 25 Септември, 2020
За прв пат просечната плата во Србија надминала 510 евра.
Просечната бруто плата за јули 2020 година во Србија изнесувала 83.016 динари (705,92 евра), додека просечната нето плата била 60.029 динари (510,23 евра), дознава неофицијално B92.
Растот на бруто-платата во периодот јануари-јули 2020 година, во споредба со истиот период лани е 9,5 отсто номинално, и 7,9 отсто реално.
Нето-платите номинално пораснаа за 9,3 отсто и реално за 7,7 отсто.
Во споредба со истиот месец лани, просечната бруто плата за јули 2020 година е номинално поголема за 9,2 отсто, а реално за 7,1 отсто, додека просечната нето плата е номинално поголема за 9,1 отсто, односно реално за 7 отсто.
Во регионот, Хрватите, Словенците и Црногорците имаат повисоки плати од оние во Србија и Македонија.