НБРМ: 2016-та една од најдобрите години за директни инвестиции во Македонија
Објавено во: Економија 28 Февруари, 2017
Според статистиките со кои располага Народната банка на Република Македонија во 2016-та дошле речиси 359 милиони евра директни инвестиции што е еден од најдобрите резултати во изминатите 5 години и го исполнува нивото остварено во 2011-та, додека пак има голем напредок во однос на ланската година или 142 милиони евра повеќе.
Инвестициите биле најголеми во првиот квартал, односно скоро 107 милиони. Во вториот, бројката е 36 милиони, додека во третиот квартал 56 милиони евра. Гледано по земји од каде доаѓаат инвестициите, но само во првите 9 месеци од 2016-тата, предничат Германија и Турција со по околу 23 милиони. Во првата петорка се и Италија Бугарија и Луксембург со по приближно 12 милиони евра.
Според дејностите, најмногу инвестиции во првите девет месеци од минатата година имало во индустријата 38 милиони евра, потоа финансиите и осигурителните активности 15 милиони, рударството исто така 15 милиони.
Според последниот извештај на Народната Банка лани се регистрирани и одлевања од земјава кон други држави. 8 и пол милиони евра заминале за Бермуди, 6 милиони за Холандија и 3 милиони евра за Романија.