Кинезите прават компјутер кој открива криминалци само по нивното лице
Објавено во: Свет 25 Ноември, 2016
Кинеските научници од Шангајскиот Универзитет Џиао Тонг работат на компјутерска вештачка интелегенција која ќе открива криминалци само со анализа на слика од нивното лице. Уште во 19-от век е поставена психолошка теорија дека криминалец може да се препознае по карактеристиките на неговото лице и изразите, но подоцна истата е напуштена како неоснована.
Сепак, сега кинезите сметаат дека со напредните компјутерски анализи може да се направи успешна проценка на особеностите кои на ликот ги носат криминалците, што може значително да им помогне на полицајците во решавањето на кривични дела и препознавање на сторителите.
Првичните резултати на научниците се навистина импресивни бидејќи како референца користеле над 1000 слики од кои половина биле на криминалци и компјутерот потоа успешно ги „научил“ да ги препознава.
Тие велат дека на некој начин сакаат да откријат како се манифестира вината на лицето и се надеваат дека компјутерот ќе стане се поинтелегентен. Секако, тоа нема да биде доволен доказ за осуда, но може правилно да ги насочи полицајците во истрагата.