Добивај вести на Viber
Францускиот синџир за малопродажба Карфур (Carrefour) ќе ги продаде сите свои средства и имот во Колумбија за 2,6 милијарди долари на чилеанската компанија „Cencosud“, соопшти Ројтерс. Трансакцијата треба да биде завршена во текот на оваа година. Ова е второ по ред повлекување на компанијата од пазарите кои се борат со финансиски тешкотии, за да се фокусира на нивната основна дејност во Западна Европа.
Вториот најголем трговски синџир од овој тип во светот презеде големи реструктукции под раководство на својот нов извршен директор Жорж Пласа, што вклучува намалување на трошоците и обврските. Повлекувањето од Колумбија следи по излегувањето од Грција и Сингапур.
Карфур влезе во Колумбија во 1998 година и досега имаше 72 хипермаркети, 16 продавницата и уште 4 „Кеш-енд-Кери“ продавници. Годишните приходи таму изнесуваа 1,5 милијарди евра.
За да ја финансира зделката, „Cencosud“ ќе повлече кредит од 2,5 милијарди долари. По објавувањето на трансакцијата акциите на Карфур скокнаа на берзата во Париз за 5,71% до 18,33 евра.