Големо изненадување: Кој ја претрка Германија во еврозоната?
Објавено во: Економија 28 Февруари, 2017
Еврозоната во февруари оствари најголемо зголемување на економскиот раст за речиси шест години покажуваат соопштените резултати на истражувањето.
Лондонската компанијата IHS Maркит во месечниот извештај за економските активности на 19 членки на еврозоната наведува дека во создавањето на работните места се забележани најдобри резултати во последните девет и пол години и дека е продолжено зголемувањето на порачки и оптимизам на компаниите.
Индексот на набавки во економијата скокнал во февруари на 56 отсто од јануарските 54,4 отсто и моментално е на највисоко ниво од април 2011 година, што укажува на можноста за голем економски раст од 0,6 отсто во првото тромесечие оваа година.
Големо изненадување е тоа што изгледа дека Франција има нешто побрз раст од Германија прв пат од август 2012 година.
Крис Вилијамсон од IHS Maркит рекол дека враќањето на растот во Франција е многу важен за ширење на опоравувањето во еврозоната.
Франција моментално е во фокусот поради претстојните претседателски избори на пролет, а истражувањата на јавното мислење укажуваат дека трката била неизвесна. Иако според нив кандидатката на екстремната десница Марин ле Пен ќе има најмногу гласови во првиот круг, таа заостанува зад потенцијалните ривали во вториот круг.
Политичката неизвесност е голема оваа година во земјите на еврозоната.
Освен во Франција, избори се одржуваат и во Холандија во март и во Германија во септември.
Постои загриженост дека популистичките партии, на бранот на Брегзит и победата на Трамп во САД, ќе ја зајакнат Европа и дека тоа ќе допринесе за влошување на бизнис околностите.