ГЕРМАНСКИ ЕKСПЕРТ ЗА СЛЕДЕЊE НА КОНТАКТИТЕ: Овој пристап е тотално неефикасен, ние сме на погрешен пат

Добивај вести на Viber

Германскиот парламентарец и здравствен експерт Карл Лаутербах за весникот Шпигел вели дека германската стратегија за коронавирус мора да се промени. 

Наместо трагање по контакти, тој бара да се посвети поголемо внимание на оние „супер - распрскувачи“. 

Експертот вели дека најголема грижа му е вториот бран, кој веќе се шири. 

„Првиот го избркавме разумно добро. Она што треба да го сториме е да бидеме затворени за уште две до три недели. Сега, ние сме на почетокот на вториот бран. За да управуваме со оваа, итно ни треба промена на стратегијата кога станува збор за борба против пандемијата“, вели тој. 

Додава дека луѓето нема да бидат толку дисциплинирани - практикувајќи социјално растојание или да носат маски - како што беа за време на првиот бран. Како такви, здравствените власти и нивните стратегии ќе бидат пресудни.

Според него не е во ред стратегијата на следењето на контактите. 

„Овој пристап е тотално неефикасен; ние сме на погрешен пат. Наместо да го контактираат секој индивидуален контакт по телефон, властите треба да ги насочат своите напори на таканаречените „супер-распрскувачи“, оние неколку многу заразни случаи што често заразуваат десетици луѓе во групни ситуации. Само тие се движечката сила зад пандемијата. Сега знаеме дека индивидуалните предаватели немаат скоро никаков ефект врз експоненцијалниот раст. Ако не го промениме курсот по ова прашање, вториот бран ќе биде интензивен“, објаснува експертот. 

Пациентите се изолирани во време кога веќе не се тешко заразни. Дотогаш, тие одамна го пренеле вирусот на другите, смета Лаутербах. 

фото Spiegel.de