ФАКТОР НА ДЕНОТ: По половина век МПЦ и СПЦ си подадоа рака
Објавено во: Македонија 19 Мај, 2022
СЕ НОРМАЛИЗИРААТ ОДНОСИТЕ МЕЃУ МПЦ И СПЦ
Архиепископот охридски и македонски Стефан на денешата заедничка литургија на помирување со српскиот патријарх Порфириј во Белград и се заблагодари на Српската православна црква за брзата реакција и за, како што рече, едномислието со вселенскиот патријарх Вартоломеј.
– Му благодариме на Бога што, еве, се исполни времето, па наидовме на братољубиво разбирање и кај Неговата Светост, патријархот г. Порфириј, заедно со членовите на Соборот на Српската православна црква, кои, само по неколку дена од донесениот акт на Синодот на Вселенската патријаршија, раководен од Неговата сесветост патријархот г.г. Вартоломеј и во истиот тој дух, донесоа одлука за воспоставување на евхаристиско и канонско единство помеѓу нашите помесни Цркви, рече во својот говор владиката.
Поглаварот на МПЦ-Оа рече дека ќе се продолжи со барањето за конечно решавање на автокефалниот статус и изрази верување дека уште деновиве ќе доживееме радост. На крајот од своето обраќање, поглаварот на МПЦ-ОА уште еднаш ја истакна улогата на Вселенската патријаршија за денешното сослужение:КОВАЧЕВСКИ НЕГИРА ДЕКА НЕГОВАТА СОПРУГА Е БУГАРКА
Мојата сопруга е родена во Крива Паланка, не можам да коментирам за нејзините предци, вели премиерот Димитар Ковачевски.
По вчерашните написи во одредени медиуми дека неговата сопруга има бугарско потекло, Ковачевски рече дека таа и нејзиниот татко и дедо се родени во земјава. За предците на семејството, тој додаде дека навистина не може да коментира во такви детали затоа што, како што рече, „да се зборува за прадедовци, чукундедовци навистина тоа не било никогаш тема на разговор“.ЖРТВИ ВО УКРАИНА
Нови жртви во Украина. Најмалку 12 загинати и 40 ранети има во руското гранатирање на Северодоњецк.
Погодени се станбени згради и билансот може да биде поголем.
„Русите изутрината почнаа да пукаат со тешко оружје кон регионалниот центар, а гранатирањето продолжува“, напиша Сергеј Гајдар на Телеграм.
Градоначалникот на Северодоњецк, Олександр Стрјук, на 6 мај изјави дека неговиот град е „речиси опколен“ од руски војници и проруски сепаратисти од Донбас кои се обидуваат да ја преземат контролата врз целиот регион. Вели дека во градот има уште околу 15.000 од 100.000 жители колку што имало пред војната.ЧИТАЈТЕ УШТЕ