НОВИ ЖРТВИ: Во Северодоњецк се гранатирани згради, има над 12 загинати
Објавено во: Свет 19 Мај, 2022
Нови жртви во Украина. Најмалку 12 загинати и 40 ранети има во руското гранатирање на Северодоњецк.
Погодени се станбени згради и билансот може да биде поголем.
„Русите изутрината почнаа да пукаат со тешко оружје кон регионалниот центар, а гранатирањето продолжува“, напиша Сергеј Гајдар на Телеграм.
Градоначалникот на Северодоњецк, Олександр Стрјук, на 6 мај изјави дека неговиот град е „речиси опколен“ од руски војници и проруски сепаратисти од Донбас кои се обидуваат да ја преземат контролата врз целиот регион. Вели дека во градот има уште околу 15.000 од 100.000 жители колку што имало пред војната.
Северодоњецк е еден од неколкуте важни градови во регионот кои сè уште се во рацете на Украина. Со соседниот град Лисичанк се на 80 километри источно од Краматорск, кој стана административен центар на украинскиот Донбас откако сепаратистите го окупираа источниот дел во 2014 година.
Денеска е 85-от ден од почетокот на војната. Украинскиот претседател Володимир Зеленски вели дека ќе ја вратат контролата на привремено окупираните територии.