ФАКТОР НА ДЕНОТ: Ја изгубија битката со коронавирусот, три нови жртви
Објавено во: Македонија, Корона Вирус 08 Април, 2020
ТРОЈЦА ЛУЃЕ ПОЧИНАА ОД КОРОНАВИРУСОТ
Министерството за здравство ја информира јавноста дека предмалку почина родилката позитивна на Ковид-19 од Куманово на 27 години.
Таа на 30 март на Клиниката за гинекологија и акушерство во Скопје роди недоносено машко новорoденче.
Претходно, беше соопштено дека има две жртви, мажи од Куманово и од Кавадарци.Потврдени се 18 нови случаи на Ковид 19 во земјава.
Министерството за здравство информира дека на Клиниката за инфективни и фебрилни состојби во Скопје почина едно лице од Куманово на возраст од 73 години. Во својот стан во Кавадарци е пронајдено починато лице на возраст од 44 години, кај кого постмортем е земен брис и истиот вчера потврдил присуство на вирусот.
Од Клиниката за инфективни и фебрилни состојби во Скопје денеска се испишани 5 оздравени пациенти, кои по два негативни контролни бриса, во добра општа состојба заминуваат дома.
На оваа Клиника примени се 4 нови пациенти, а во моментов се хоспитализирани вкупно 66 пациенти, од кои 7 пациенти се на механичка вентилација.НА СИЛА Е ПОЛИЦИСКИ ЧАС
По 16 часот почна полицискиот час во земјава.
Скопје е пусто, а по улиците можат да се движат само луѓето кои имаат извадено дозволи.
Полицискиот час ќе трае до 5 часот утре.
Целта е да се спречи ширењето на коронавирусот, кој денес однесе три жртви.ВО ЕДЕН АВТОМОБИЛ ДА СЕ ВОЗАТ НАЈМНОГУ ТРИ ЛИЦА
Дополнителниот заменик на министерот за внатрешни работи, Славјанка Петровска, изјави дека повеќе од тројца патници, вклучително и возачот не смеат да се возат во ист автомобил.
Петровска додаде дека патниците во автомобилот треба да имаат заштитна опрема, ракавици и маска.ТУРЦИЈА ЈА ИСПРАТИ ПОМОШТА, А ПОМОШ НАЈАВИ И БУГАРИЈА
„Многу е лесно да им кажувате дека ни се браќа, но кога ќе видите дека луѓето умираат, тогаш мора да дејствувате. Нарачав денес да бидат испратени сто заштитни зкафандери за медицинските работници од првите борбени редови во Македонија “, рече Борисов.
Премиерот рече дека во моментов нема лек во светот за лекување на коронавирус.но дека во Бугарија нема ниту еден пациент кој не бил лекуван, а покрај тоа, државата им помага и на други земји.ЧИТАЈТЕ УШТЕ
Граѓаните на Општина Липково избегнуваат да патуваат во Куманово, исплашени од брзото ширење на коронавирусот.
Од Општината Липково велат дека се преземени мерки за заштита, дезинфицирани се објекти, улици, како и повеќе од 20 џамии на територија на општината.Владата конечно се изјасни околу тоа како годишните одмори ќе ги користат вработените во јавниот сектор.
На својата вчерашна седнива таа донела Уредба со законска сила за примена на Законот за вработените во јавниот сектор за време на вонредна состојба.Велигденски миси и богослужби без верници за најголемиот христијански празник Велигден најавија и Католичката црква во Македонија и Евангеслско методистичката црква.
Само во март, бројот на невработените во земјава се зголемил за околу две илјади лица, или прецизно, 1.916 нови невработени.
Ова го покажуваат официјалните бројки на Агенцијата за вработување.
Можеби ќе ве интересира
ФАКТОР НА ДЕНОТ: Бурни реакции откако Силјановска Давкова ја изостави „Северна“, Грција споменува и можност за вето
АРСОВСКА ДО ЏАФЕРИ: Не знам како функционира во Форино, ама во Скопје нема друг да ви го одржува дворот!
ЗАЕВ ЗА ДОГОВОРОТ ОД ПРЕСПА: Непочитувањето носи одговорност, но и сериозни последици
ВО ОПШТИНА ВЕЛЕС: Советникoт од СДСМ, Кирил Гајдов си поднесе оставка
ВЕСЕЛА ЧЕРНЕВА: Teшко дека Северна Македонија ќе почне преговори со ЕУ
ВРСНИЧКО НАСИЛСТВО: Малолетнички нападнале соученичка и ја снимале
ТРАГЕДИЈА: Почина 14-годишно дете од Битола додека си играло на ливада
