(ФОТО) Турција ја испрати помошта за Македонија и Балканот
Објавено во: Македонија 08 Април, 2020
Турските медиуми објавија фотографии од воениот карго авион А400 М кој од Анкара ќе достави донаторска помош во медицинска заштитна опрема и реквизити за земјите од Западен Балкан, вклучително и Македонија.
Донацијата за Македонија се состои од 50.000 заштитни медицински маски, 1.000 заштитни скафандери и 1.000 дијагностички теста.
Помошта ја финансира министерството за здравство на Турција на барање на турскиот претседател Реџеп Тајип Ердоган, а за транспортот е задолжена армијата.
- Зад безнадежноста постојат многу надежи, зад темнината постојат многу сонца, гласи пораката на пратките.
Опремата и средствата се наменети Северна Македонија, Црна Гора, Србија, Босна и Херцеговина и Косово.
Од Белград авионот ќе слета и во Сараево, Подгорица, Скопје и Приштина.