ФАКТОР НА ДЕНОТ: Извлечени се редните броеви, Пендаровски прв, Силјановска втора, а Максим последен
Објавено во: Македонија 25 Март, 2024
ПЕНДАРОВСКИ ПРВ НА ГЛАСАЧКОТО ЛИВЧЕ, МАКСИМ ПОСЛЕДЕН
Државната изборна комисија денеска со жрепка го утврди редоследот на кандидатите на гласачкото ливче, според кој актуелниот претседател на државата и кандидат за нов мандат, Стево Пендаровски го доби бројот 1 на гласачкото ливче на претстојните избори за шеф на државата.
Кандидатката на ВМРО-ДПМНЕ, Гордана Силјановска Давкова ќе биде втора на ливчето. Стевчо Јакимовски го доби редниот број 3, Бујар Османи 4, Билјана Ванковска 5, Арбен Таравари 6, а Максим Димитриевски 7.АКО ТРЕБА ЌЕ СЕ ДОНЕСАТ МЕРКИ ЗА КАЗНУВАЊЕ НА АНТИВАКСЕРИ
Aко треба, ќе се донесат законски измени за казнување лица кои поттикнуваат кампањи против вакцинацијa, изјави министерот за здравство, Илир Демири.
Тој денеска јавно се обврза дека ќе преземе мерки за да се утврди како е основано Здружението на антиваксери и по кој законски принцип функционира. Секоја изјава во медиумите, како што рече, треба да се проследи и да се види точно кој стои зад антиваксерските кампањи.
„Не знам каква е можноста законски да се атакираат тие, но ако има потреба, ќе влијаеме и во промена или додавање законски нормативи со кои ќе бидат казнети сите луѓе кои поттикнуваат некаква кампања против вакцинација“, изјави Демири, одговорајќи на новинарски прашања по потпишувањето на Декларацијата за промоција и поддршка на вакцинацијата во Лекраската комора.НОВИ АПСЕЊА ВО МОСКВА
Русија уапси уште тројца осомничени за нападот кој во петокот се случи во Москва и во кој загинаа 137 луѓе.
Московскиот суд нареди апсење на уште тројца осомничени за кои се тврди дека се поврзани со смртоносниот терористички напад во петокот во концертната сала Крокус сити хол кај Москва, соопшти прес-службата на судот. Тројцата новоосомничени – Аминчон Исломов, Диловар Исломов и нивниот 62-годишен татко Исроил Исломов – се обвинети за учество во организирањето на терористичкиот акт, според рускиот Истражен комитет, пренесе ТАСС.
Истражителите тврдат дека еден од вооружените лица, Шамсидин Фаридуни, се верува дека во јануари го регрутирал Аминчон Исломов за да ѝ се приклучи на неговата организирана терористичка група, со цел да изврши терористички акт. Најдоцна до 11 март, се смета дека тој го регрутирал и Диловар Исломов, велат истражителите, барајќи итно апсење на двајцата браќа, како и на нивниот татко.ЧИТАЈТЕ УШТЕ