Елези: МојДДВ ги исполнува целите
Објавено во: Економија 31 Јули, 2019
МојДДВ мерката веќе ги дава резултатите за целите за кои беше воведена - влијае на намалување на сивата економија и враќа пари на граѓаните, вели заменик министерката за финансии Ширет Елези.
Елези посочи дека заклучно вчера граѓаните оствариле поврат од над 930 илјади евра, скенирајќи скоро 7 милиони фискални сметки со промет од 3,5 милијарди денари. Заменик министерката рече дека 143 илјади граѓани скенираат фискални сметки.
-Со оглед на трендот на раст од ден на ден на регистрирани корисници и скенирани сметки, очекуваме бројот на месечно скенирани сметки и сумата поврат иднините месеци да расте- рече Елези.
Подобрената верзија на МОЈ ДДВ не влијае на скенираните фискални сметки
Заменик министерката посочи и дека бројот на сторнирани сметки е намален за 15% во овој период, а удвоен е бројот на пријави за неиздадени фискални сметки во однос на минатата година.
Во однос на намалување на сивата економија, Елези посочи дека вкупната наплата на ДДВ е подобрена за 18,3% во однос на лани.
-Наплатата на ДДВ од почетокот на јули досега изнесува 75 милиони евра. Ова е раст од 18,3% во однос на лани. Подобрената наплата на ДДВ, заедно со одличната наплата на персоналниот данок, акцизите, како и придонесите - придонесуваат наплатата на вкупните приходи во јули да биде повисока за 16% во однос на лани.Со ова, од почетокот на годината досега приходите во државната каса се поголеми за 7,4% во однос на лани - рече Елези.
Таа посочи дека како што ќе расте бројот на скенирани сметки, се очекува наплатата на ДДВ да остварува уште подобри резултати, како и да влијае на вкупната наплата на приходи во државната каса.
Можеби ќе ве интересира
„Mоќно средство на економската дипломатија“: еве што кажа Мицотакис за трговската ознака „Macedonia the Great“
ШТО СЕ СЛУЧУВА СО ЗЛАТОТО? Цената повторно на рекордно ниво
ВАЖНА ОДЛУКА НА РЕГУЛАТОРНА- ВАЖИ И ЗА ДИЗЕЛАШИ И ЗА БЕНЗИНЦИ: По полноќ поевтинуваат сите горива, еве ги новите цени
ФАКТОР ИСТРАЖУВА: Кои се кавадаречките милионери за 2023 година?
Адвокатска комора на Македонија: Членот 368 од Законот за облигациони односи е спротивен на уставот и ги прекршува човековите права, неопходно е решение
НЕКОЈ МНОГУ САКАШЕ АКЦИИ ОД „МАКЕДОНИЈАТУРИСТ“ И ПЛАТИ НАД 700 ИЛЈАДИ ЕВРА - нови поместувања во структурата на хотелиерската компанија
УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра
ФАКТОР АНАЛИЗА: Прават милиони евра од цевки и камен
АНАЛИЗА: Што ќе се случи со Германија ако си замине од ЕУ?
