Добивај вести на Viber
Вол Стрит, оваа недела заврши со најголемиот дневен пад на цените на акциите во последните четири месеци, бидејќи бизнис извештаите на „Џенерал Електрикс“ и Мекдоналдс, компании кои се сметаат за барометар на економската ситуација,ги разочараа инвеститорите.
„ Dow Jones“ потона за 202 поени или 1,52% на 13.343 поени, додека„ S & P 500“ падна 1,66 % до 1433 поени и на „Nasdaq“ 2,19 % до 3005 поени. За „ Dow Jones“ ова е најголем дневен пад од средината на јуни, а пристигна точно на 25 годишнината од Црниот понеделник, кога овој индекс потона до 22,6 %, најголемиот процент на дневен пад во историјата.
Цената на акциите на „Џенерал Електрикс“ потона 3,4 отсто , додека акциите на Мекдоналдс паднаа за 4,5 отсто поради недостатокот на приходи.
„Се чини дека ситуацијата во американската економија не е најдобра, бидејќи резултатите на оние компании кои најдобро ја одразуваат ситуацијата е многу лоша", вели директорот на групата на „BlackBay“, Тод Шоенбергер.
Под најголем притисок е технолошки сектор, по лошите резултати на Гугл, Мајкрософт и ИБМ(IBM). Во последните 10 дена „S & P“ индексот на овој сектор падна за 5,3 отсто, додека „S & P 500“ во истиот период падна 1,9 проценти.
И на европските берзи вчера беше забележан пад на цените на акциите. Лондонскиот ФТСЕ падна 0,35 проценти на 5.896 поени, Франкфуртскиот ДАХ падна 0,76 проценти до 7380 поени, а Парискиот ЦАЦ 0,87 проценти до 3504 поени.