Жители на Тетово и Гостивар заразени отпатувале во странство
Објавено во: Македонија, Корона Вирус 12 Август, 2021
Нови 9 позитивни на коронавирусот ја напуштиле Македонија, а дека така постапиле е откриено дури откако е направена проверка за самоизолација.
Полицајци од СВР-Тетово во периодот од 8 до 11 август извршиле проверка на лица на кои им е издадено решение за изолација и позитивни со Ковид-19 на подрачјето на Тетово и Гостивар.
„Притоа, било констатирано дека Д.Л. од Косово, со престој во нашата држава, Љ.С.(54) од Тетово, две малолетнички и нивната мајка А.Ќ.(37) од Тетово, М.Љ.(49) од Мала Речица, А.Х.(20) од Мала Речица, Б.Х.(35) од тетовски Лисец и М.З.(54) од Гостивар, сите со решение за изолација и домашно лекување, ја напуштиле државата“, информира полицијата.
Вчера е соопштено дека при вршење контрола на лица кои се во домашна самоизолација во гостиварско, полицијата открила четири лица кои ја напуштиле државата и покрај тоа што биле заболени од ковид-19.
Ковид свадби имаше во Тетово и во Охрид. Иако заразени, младоженците правеле свадба.