Затвореници прават чевли за германски пазар
Триесетина затвореници од затворот во Бања Лука прават чевли за германскиот пазар.
Објавено во: Економија, Балкан 18 Септември, 2016
Фирма за производство на чевли има отворено погон во затворот, каде се работи во две смени.
Затворениците изработуваат горни делови од чевли, и на тој начин го исполнуваат времето и заработуваат пари.
Од компанијата „Беме“ велат дека со работата делумно е подобрена состојбата на затворениците.
Додаваат дека наместо за триесет, работа во иднина ќе има за педесет работници и работата ќе биде во текот на целата година.
Претходно работниците имаа обука од 15 дена, а производството почна на 1 септември.
Заработката е по учинок, така што еден затвореник месечно добива околу 150 КМ:
Од затворот велат дека ако пилот - проектот биде успешен, ќе има зголемен обем на работа и вклучување на повеќе затвореници.