(ВИДЕО) Апостолска: Над 3,5 милиони фискални сметки скенирале граѓаните
Објавено во: Економија 21 Јули, 2019
Заклучно до 17 јули граѓаните преку мерката „Мој ДДВ“ скенирале над 3,5 милиони фискални сметки, информираше министерската без ресор задолжена за странски инвестиции, Зорица Апостолска, која во Прилеп се вклучи во промотивната кампања на Управата за јавни приходи.
Според неа досега е направен промет од околу две милијарди денари, од кои повратот на ДДВ кај граѓаните се движи околу 30 милиони денари.
„ Целта на прокетот „Мој ДДВ“ има две основни
придобивки: поврат на приходите на граѓаните што всушност би
претставувало поврат од една плата плус, а како бенефит може да се смета
дека граѓаните ќе се вклучат и ќе придонесат во сузбивањето на сивата
економија, односно, во подобрувањето на наплатата на даноците. Со ова,
буџетот има зголемен прилив, се зголемува поторшувачката и сето влијае
врз економскиот пораст и на животниот стандард на граѓаните“, потенцираше Апостолска
Исто така, министерката додаде дека се решени сите детали околу симнувањето на апликацијата, а во подружниците на УЈП има штандови на кои секојдневно им се објаснува на граѓаните.
Мерката стартуваше од 1 јули, а според инфрмациите од УЈП граѓаните
покажуваат интерес и ги скенираат сметките. Се зголемил доста и бројот
на пријави од граѓани за објекти.
Видео и Фото Влада на Република Северна Македонија