Трамп: Изборите завршија, народот се изјасни - Пребројувањето е смешно

Добивај вести на Viber

За Доналд Трамп, кој во јануари треба да ја преземе функцијата претседател на САД, барањата за пребројување на гласовите во сојузната држава Висконсин се смешни. Иницијативата ја покрена Џил Стејн кандидатката на зелените.

„Народот се изјасни и овие избори завршија“, се истакнува во соопштението на победникот на најнеизвесните американски избори во историјата Доналд Трамп.

„Како што Хилари Клинтон (демократската кандидатка – з.р) самата кажа во изборната ноќ, признавајќи ја победата и честитајќи ми: ’мораме да го прифатиме овој резултат и де се свртиме кон иднината’“, додава Трамп во писмената изјава.

Џил Стејн во петокот официјално поднесе барање за повторно пребројување на гласовите од претседателските избори од сојузната држава Висконсин, што според нејзината изјава би требало да започне „следната седмица“. Нагласи дека некои „изборни стручњаци утврдиле статистички неправилности кои предизвикуваат загриженост“.

Изборната комисија во Висконсин, во северниот дел на САД, потврди дека се „подготвува за повторно пребројување на гласовите“ согласно барањето на кандидатката на Зелените.

Стејн побара и ново пребројување и во Мичиген и во Пенсилванија, другите две држави во кои Трамп освои тесно мнозинство. За новото пребројување на го промени исходот од изборите, резултатот во сите овие три држави треба да биде во полза на Клинтон.

Претставникот на кампањата на Хилари Клинтон потврди дека таа ќе присуствува на новото пребројување на гласовите во државата Висконсин.

„Имајќи предвид дека во Висконсин е побарано ново пребројување на гласовите, ние ќе учествуваме за постапката на се спроведе на праведен начин за сите страни. Доколку Џил Стејн го спроведе она што го најави и побара пребројување и во Пенсилванија и во Мичиген, и во тие држави така ќе постапиме“, изјави адвокатот Марк Ерик Елијас.