Србија со 700 милиони евра приход од туризам

Добивај вести на Viber

Србија оваа година ќе оствари девизен приход од туризмот од 700 милиони евра, исто како и во 2011 година, изјави дрржавниот секретар за туризам Горан Петковиќ за агенцијата БЕТА. Тој вели дека очекува стапката на раст на преноќувањата на странските туристи да порасне за седум проценти, а зголемување на бројот на влезени странски туристи во Србија за 6 проценти. Како што објасни Петковиќ, годинава се работело на привлекување туристи од Далечниот Исток, особено Кина, а зголемен е бројот на туристи и од Русија. Според него, за српскиот туризам е многу важно да се привлечат туристи од пазарите во развој, а за тоа ќе придонесе и воспоставувањето на нови летови до Истанбул, Абу Даби, Доха, Катар. Тој рече дека бројот на домашните туристи сеуште е во опаѓање и дека Министерството работи на овие резултати да бидат подобри наредната година. „Ќе се обидеме со стимулации за развој на туризмот, а разговараме и со Министерството за образование за подобрување на училиште екскурзии низ Србија“, рече Петковиќ. Според него, голем број ученици никогач не го виделе Лепенски вир, Кралската палата во Сирмијум, манастирите кои се под заштита на УНЕСКО ниту пак играле фудбал во Ѓердапската клисура на еден од најубавите спортски терени. Петковиќ вели дека е подготвен да им помогне на синдикатите и туристичките агенции да направат подобри туристички програми за патување во рамките на Србија. Тој рече дека досега се потрошени околу 110 милиони евра во развој кампови во Србија, кои сега ги има и во Засавица и Фрушка Гора, а реновирани се во Ада, Кањижи и Бела Црква. Петковиќ најави и дека следната година ќе биде отворен кампот на Златибор.