Што мислат луѓето за работа во туристичкиот сектор?
Истражување направено во Хрватска покажува дека 88% од луѓето би работеле во туристичкиот сектор без разлика дали имаат искуство или не.
Објавено во: Економија, Балкан 18 Септември, 2016
Она што би можело да ги одврати од работа во туризам, е ниска плата, неможност за постојано вработување или ако најдат работа по струка.
Од оние кои веќе работеле во туризам, 73% кажале дека пак би работеле кај истиот работодавач.
Дури 42% не би работеле ако немаат обезбедено сместување, а 26% не би работеле ако немаат зголемување на плата. Од испитаниците, 13% работат во туризам затоа што тоа им е желба од мали нозе и за тоа се школувале.
Од анкетираните 37% сметаат дека работници во туризам се бараат цела година.
49% велат дека предност е престојот на море.
34% сакаат да работат на неопределено време, а 32% сакаат да работат од 3 до 6 месеци.
До 3 месеци сакаат да работат 18% од испитаниците, а 16% сакаат да работат од пола година до година дена.
Дури 83% се подготвени да се преквалификуваат и едуцираат за работа во туризам.
За работа во туризам е потребно говорење на странски јазици, се изјасниле 40% од испитаниците.