САКААТ ТУКА ДА ОСТАНАТ: Балканска земја е рај за работници од Непал

Добивај вести на Viber

Непалци и Индијци работат во Шибеник и Самобор во Хрватска и се повеќе од задоволни од условите за работа. 

Преку агенциите за посредници поминале долг  пат, тоа ги чинело скапо, но велат дека Хрватска за нив е ветена земја. 

Странските работници велат дека од платите можат да одвојат пари и да им пратат на своите семејства. 

Тие работат во стакленици каде берат домати. 

„Работата е едноставна, воопшто не е тешка  и имам шанса да им помогнам на децата и родителите. Луѓето се многу љубезни, ми помагаат и ме поддржуваат ако нешто ми треба“, вели Назрин Тимипир од Непал. 

Таа раскажува дека во својата земја живеела во изнајмена куќа заедно со својот брат и трите деца, но земала мала плата, и затоа се надева дека ќе остане да живее во Хрватска. 

Амбар Лимбу од Непал месец дена е во Самобор, му се допаѓа местото, и се надева дека сопругата и децата ќе му се придружат. 

Ирфан Мохамада од Индија бил среќен кога му кажале дека во Хрватска  е лето, има топло време и не паѓа снег често како во Швајцарија. 

Дома работел како снимател, а сега бере домати во Хрватска за плата од 500 евра. 

Читајте уште

ЗЕМЈА КОЈА Е РАЈ ЗА РАБОТНИЦИ: Можеш да дојдеш 3 часа порано на работа, а можеш да работиш и од викендица