РЕШЕНИЕ НА ПОВИДОК - сепак нема да има темни екрани

Добивај вести на Viber

Советот на Агенцијата за аудио и аудиовизуелни медиумски услуги на денешната седница донел одлука да ги одложи во рок од 30 дена подзаконските акти за регистрирање на програмските пакети за реемитување на кабелските оператори. 

Ова следува откако Владата во вторникот донесе одлука да се поднесе предлог за измена на спорниот член 143 од Законот за аудио и аудиовизуелни медиумски услуги, со кој се наложуваше операторите под материјална и кривична одговорност да одговараат за авторските права на содржините што ги емитуваат од странските канали.

Владата подготвила и предлог законско решение со кое овие прашања од спорниот член ќе се решаваат на поинаков начин, а тој е доставен и до Собранието.

Со ова практично е елиминирана опасноста од темни екрани на телевизиите, што можеше да се случи од 8 ноември доколку останеше да важи спорниот член 143 од Законот.

Односно, на овој начин АВМУ практично дава период под 30 дена во кој овој законски предлог на Владата да помине во парламентот.

Упатени кругови се надеваат дека со владиниот предлог закон ќе се најде долгорочно и одржливо решение за ова прашање, од копе би биле задоволни и сите инворлирани страни.

Н.Н.Ф.