Ова се топ три најплатени професии во Македонија
Објавено во: Економија 19 Јули, 2019
Вработените во воздухопловен транспорт во мај годинава имале нето плата од 47.935 денари, 43 431 денари во информации и комуникации, и во компјутерско програмирање,
консултантски и сродни
дејности нето износот бил 59.387 денари.
Овие три сектори предничат по високите примања.
Според податоците на Државниот завод за статистика, индексот на просечната месечна исплатена нето-плата по вработен, во мај 2019 година, во однос на мај 2018 година, изнесува 103.1.
Ваквото зголемување се должи, пред сè, на зголемувањето на просечната месечна исплатена нето-плата по вработен во секторите: Транспорт и складирање (10.0 %), Градежништво (7.4 %) и Дејности на здравствена и социјална заштита (7.2 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување (16.5 %), Градежништво (3.9 %) и Јавна управа и одбрана; задолжително социјално осигурување (3.6 %).
Просечната месечна исплатена нето-плата по вработен, во мај 2019, изнесуваше 25 270 денари.