ОВА ФРАНЦУСКО СЕЛО СЕКОГАШ ГИ ПОГОДУВА ИЗБOРИТЕ: За кого ќе гласаат сега?

Добивај вести на Viber

Селото Донзи, кое e лоцирано на два часа возење јужно од Париз, е познато по тоа што веќе четири децении наназад гласа идентично со националниот изборен резултат. 

Ова село годинава  предвидува победа во првиот круг на кандидатката на крајната десница, Марин Ле Пен.

Фредерик Кудре (49), кој живее во ова француско село, ги сумира најновите прогнози на мештаните, според кои во првиот круг од претседателските избори во Франција, што ќе се одржи на 23 април, Ле Пен би добила 34% од гласовите, а кандидатот на десниот центар, Франсоа Фијон – 19,5 %, додека независниот центристички кандидат, Емануел Макрон – 19%, пренесува „Блумберг“.

Кудре, инаку симпатизер на Макрон, смета дека Фијон ќе ја претрка Ле Пен во вториот круг, но најмногу за два-три проценти. 

„Трката е тесна. Имам соседи кои ќе гласаат за Ле Пен, како и повеќе од половината негови работници. Плус нивните сопруги“- објаснува тој.

Мнозинството жители на Донзи не се сомневаат дека во првиот круг во нивното село ќе победи Ле Пен, иако повеќето од нив не признаваат дека ја поддржуваат нејзината политика за излегување од еврозоната. Има и такви кои велат дека ќе гласаат за неа „од патриотски причини“, затоа што биле изморени од „шефувањето“ на Европската унија и сметаат дека Франција треба да си го врати својот суверенитет и контролата над своите граници, но и да си ги заштити своите добра.

Истовремено, анкетите кои ги спроведуваат институтите за истражување на јавното мислење покажаа дека Макрон ќе го надмине Фијон во првиот круг и ќе влезе во вториот, одлучувачки круг што е закажан за седми мај, кога според резултатите од истражувањето, ќе триумфира над Ле Пен.