Нов конфликт меѓу Русија и Украина
Објавено во: Свет 02 Февруари, 2017
Властите во Русија го повикаа синоќа воениот аташе на Украина и му доделија протестна нота по повод според нив опасното прелетување на украински авион над Црното Море, недалеку од анексираниот полуостров Крим, пренесе Франс прес.
Според руското Министерство за одбрана, украински Ан-26 прелетал вчера ниско над две платформи и создал закана за инсталациите и персоналот. Од Киев тврдат дека авионот правел тренинг лет и бил напаѓан во украинската економска зона во регионот на Одеса, од руска гасна платформа. Москва ги негира обвинувањата за напад.
Во Источна Украина, во меѓувреме, насилството ескалира - во судири меѓу проруски сепаратисти и силите на владата во Киев. Од неделата досега загинале најмалку 19 лица.